អារម្ភកថា
សូមអាន អត្ថបទ នេះ ហើយ គួរបងប្អូន រួមឈាម និង រួមជាតិ ខ្មែរ យកទៅ ពិចារណា
ចុះ ថា សម-រង្សី ជា បុគ្គលបែបណា ?
គាត់ពិតជាដូរមែន សំរាប់ ខ្លួនគាត់ផ្ទាល់ នៅចំពោះគូប្រឆាំងគាត់ ដែល វាឥតមានដូរ
អ្វីបន្តិចសោះ។ ដូរបែបនេះ គេមិនទុក ជាដូរ យុទ្ធសាស្ត្រទេ គឺ ដូរ ទៅចុះចូល គូប្រឆាំង
ទាំងទទឹងទិស គ្មានការអៀនខ្មាសអ្វីឡើយ ដូចជា មនុស្សខ្មាំងមិល (homme borné)
ស្គាល់តែ កិលេស។
សម-រង្សី អន្ទង ថា បានធ្វើគ្រប់បែបយ៉ាងអស់ហើយ ក្នុងរយៈពេលមួយឆ្នាំនេះ តែមិន
ទៅមុខសោះ ដូច្នេះត្រូវដូរ យុទ្ធសាស្ត្រថ្មី តែយើងមើលឃើញ យុទ្ធសាស្ត្រថ្មី របស់គាត់ គឺជា
សំណល់ចាស់ របស់ គណបក្ស ហ្វុនសាំងប៉ិច ដឹកនាំដោយ ទ្រង់ រ៉ាណារិទ្ធ តែប៉ុណ្ណោះ។
ហេតុអ្វី ក៏ សម-រង្សី ឆាប់អស់សង្ឃឹមម្លេះ ? រយៈពេលមួយឆ្នាំ តិចណាស់ សំរាប់ វាយ រំលំ
របបផ្តាច់ការ តាមការបះបោរ អហឹង្សា នៃប្រជាជនខ្មែរ ក្នុងសំទុះជាតិ ជាប្រវត្តិសាស្ត្រ។
តើ សម-រង្សី សំអាងលើអ្វី ជឿថា យុទ្ធសាស្ត្រថ្មី របស់គាត់ មានប្រសិទ្ធភាព អាចសង្គ្រោះ
ជាតិខ្មែរបាន ដោយខំ លេបម្លឹតៗ (avaler avec peine) ពាក្យសំបឋ ចំពោះ ម្ចាស់ឆ្នោត
និង ប្រាសាទ អង្គរវត្ត ថា គណបក្សគាត់ នឹងរកយុត្តិធម៌ជូនជាដាច់ខាត ហើយមិន
ព្រមចូលរួមប្រជុំ ក្នុងរដ្ឋសភាចោរ បើសិនជាយុត្តិធម៌ មិនបានទទួលជ័យជំនះ។
ការផ្សះផ្សាជាតិ និង ព្យាកុលភាពនយោបាយ