Overblog Suivre ce blog
Editer l'article Administration Créer mon blog
20 août 2014 3 20 /08 /août /2014 10:17

 

Format PDF en bas de l'article

 

 

ដេកមើលមេឃទាយភ្លៀង

Scruter le ciel pour prédire la pluie  

 

ខ្មែរអ្នកចាំតែជឿ នាំគ្នាដេកទាយភ្លៀង​​ ព្រោះ ហ៊ុន-សែន ជាបុគ្គលអច្ជរិយៈ​ ឬ បុរសខ្លាំង ចេះ

ធ្វើផ្គរ ព្រោះបុរសនេះ ដឹងថា ខ្មែរទាំងនោះ គិតតែពីជឿ កាលណាឮសូរផ្គរ គឺច្បាស់ជាមាន

ភ្លៀងជាពុំខាន។

នាឆ្នាំ២០១៣ ពេលបោះឆ្នោត​ ថា្នក់ជាតិ បុរសនេះ បង្កើត«រន្ទះសមរង្សី» នាំឲខ្មែរអ្នកចាំជឿ

ទាយថាមានភ្លៀងធ្លាក់ខ្លាំង ឈ្មោះ «ដូរ» រត់ងងុះ កាន់ប៉ោតសង្គ្រោះជាតិ ដើម្បីចាំត្រងទឹក

ភ្លៀង យកមកទុកជាទឹកមន្ត តែភ្លៀងដូរ វាមិនធ្លាក់មកសោះ ពីព្រោះ រន្ទះសមរស្សី ជាសិប្ប

និម្មិត បង្កើតដោយ បុរសខ្លាំង តែប៉ុណ្ណោះ។

បច្ចុប្បន្ននេះ បុរសខ្លាំង ធ្វើឲឮសូរ «ផ្គរមិនស្តាប់យួន» នាំឲអ្នកចេះ សម្លឹងមេឃម្តងទៀត

រំពឹង នឹងមានធ្លាក់ «ភ្លៀងសាមគ្គីខ្មែរ»​ ប្រឆាំងយួន ; មានអ្នកខ្លះ ជឿថា ហ៊ុន-សែន និង

សម-រង្សី កំពុងផ្គុំកម្លាំងគ្នា ដើម្បីរំដោះជាតិ ពីអំណាចយួន ដូច្នេះយុទ្ធសាស្រ្ត ការផ្សះផ្សារជាតិ

ជាយុទ្ធសាស្ត្រ ឲផល សំរាប់ប្រជាជាតិខ្មែរ ; រង់ចាំមើលសិន ប្រាកដជាមានផលនៅពេលឆាប់

នេះជាពុំខាន (អស្ចារ្យ=Sic)។

ជំនឿជាសិទ្ធិរបស់បុគ្គលម្នាក់ៗ ដែលឥតអាចនរណាបំពានបាននោះឡើយ តែចំពោះយើង

វិញ យើងគ្មានជំនឿ លើអ្វីមួយ ដែលមានកើតឡើងក្នុងប្រព័ន្ធជាតិបច្ចុប្បន្ននេះឡើយ ព្រោះ

វាសាបរលាប ក្នុងប្រព័ន្ធដឹកនាំជាតិផ្តាច់ការអស់ទៅហើយ។​ នៅស្រុកខ្មែរសព្វថ្ងៃ គ្មានអ្វីជា

ឯករាជ្យ នោះទេ ហើយត្រូវកុំសូវទុកចិត្តថែមទៅទៀត ទៅលើជនណា ដែលប្រកាសថា ខ្លួន

ឯករាជ្យ ព្រោះជននោះឯងហើយ ដែលមិនឯករាជ្យតែម្តង។ យើងនិយាយនេះ មិនមែននៅ

ក្នុងសេចក្តីអស់សង្ឃឹមទេ តែយើងគ្មានមានជំនឿអ្វីមួយ ដែលកើតឡើង សំរាប់តែពង្រឹង

កម្លាំង អ្នកដឹកនាំជាតិសព្វថ្ងៃ ; ការផ្សះផ្សារជាតិ រវាងគណបក្សសង្គ្រោះជាតិ ជាមួយគណបក្ស

ប្រជាជន ; បាតុកម្មដុតទង់ជាតិយួន ; សម្ភាសន៏ស្តីអំពីបទពិសោធន៏ របស់ស្ត្រី មូរ-សុខហួរ

នៅគុងព្រៃស ដែលគេហៅថា «ទឹកភ្នែក្រពើ» ; វិភាគនយោបាយ របស់ពួកអ្នកវិភាគឯក

រាជ្យ ។ល។

ទីវាលនយោបាយនៅស្រុកខ្មែរសព្វថ្ងៃ ថិតនៅក្រោមឥទ្ធពល អំណាចបិទមុខយួន ដែលមាន

បុរសខ្លាំង ហើយបច្ចុប្បន្ននេះ មានបុរសខ្សោយពីររូបទៀត  ជួយបំថែមធ្វើរនាំងខ្មៅបិទមិនឲ

សហគមអន្តរជាតិមើលឃើញអំណាចយួន ; តែរឿងខ្មែរដឹង, យួន និង បុរសខ្មែរទាំងបីឥតឈឺ

ក្បាលទេ ព្រោះ វាគ្មានអ្វី ធ្វើឲបុរសខ្លាំង ដេកមិនលក់នោះឡើយ ; ជាពិសេសយួនដឹងច្បាស់ថា​

ខ្មែរអ្នកចេះ ក៏គាត់ដេកសម្លឹងមេឃ ទាយភ្លៀងដូចគេឯងដែរ។ 

បើខ្មែរយើង មិនសំរេចចិត្តកាត់ផ្តាច់ តាមផ្លូវចិត្ត ពីប្រព័ន្ធនយោបាយនៅស្រុកខ្មែរសព្វថ្ងៃ

នេះទេ គឺយើងនៅតែ នាំគ្នារត់តាមព្រឹត្តិការណ៏ ដែលប្រព័ន្ធនេះ គេបង្កើតឡើងឲយើងរត់

តាម គឺរស់ជានិច្ចក្នុង ប្រតិកម្ម គ្មានលទ្ធភាព អាចប្រព្រឹត្តប្រឆាំងនឹងគេបាននោះឡើយ។

យួនគេកោះហៅអ្នកដឹកនាំជាតិខ្មែរទៅស្រុកគេ ដូចចៅហ្វាយហៅឈ្នួលមកប្រើ ដើម្បីបង្ហាញ

រាស្ត្រខ្មែរ ឲឃើញថាគេ ជាម្ចាស់ស្រុកខ្មែរ, នុះ គ្មានរឿងយួនត្រូវសុំទោសខ្មែរអ្វីអំពី រឿងក្រឡៃ

ប្រវត្តិសាស្ត្រខ្មែរទេ, ផ្ទុយទៅវិញ ត្រូវ ហេង-សំរិន, ប្រធានតំណាងរាស្រ្តខ្មែរ, ត្រូវមកស្រុកយួន

ដើម្បីសុំទោសប្រជាជនយួន អំពីបញ្ហាដុតទង់ជាតិប្រជាជាតិវៀតណាម។ និមិត្តរូប បែបនេះ

លោកថាច់-សេថ្ឋា គាត់ ធ្វើហាក់បីមិនយល់ ប្រកាសផ្អាកធ្វើបាតុកម្ម ចាំយួនដូរទូតសិន ; ការ

ដូរទូត គ្មានមានការសុំទោស វាគ្មានជាប់ទាក់ទងអ្វីនឹង រឿងក្រឡៃប្រវត្តិសាស្ត្រសោះ តែកុំនាំ

គ្នាឆ្ងល់អ្វី ដូចដែលយើងបានជំរាបខាងលើរួចមកហើយ អ្វីក៏ដោយដែលមានកើតឡើងនៅ

ក្នុងស្រុកខ្មែរសព្វថ្ងៃ គឺ យួនជាអ្នកបង្កើត ដើម្បីវែករកមុខអ្នកណាខ្លះ ហ៊ានប្រឆាំងគេ ដែល

ជា យុទ្ធសាស្ត្រ ម៉ៅ-សេងទុង ហៅ «ផ្កា១០០» បើកសេរីភាពឲបញ្ញាវន្ត រិះគន់ របបកុម្មុយនិស្ត

ដើម្បី ឃើញមុខអ្នកប្រឆាំងមតិ សំរាប់ចាប់សម្លាប់ ឬ ដាក់គុក នៅពេលក្រោយ។ តើនយោ

បាយបែបនេះ វាមិនដូចបុរសខ្លាំង កំពុងតាមចាប់ អ្នកប្រឆាំងខ្លួន​ នោះទេ? 

យួនគេប្រើ យុទ្ធសាស្រ្ត «តក់ៗពេញបំពុង», បុរស សម-រង្សី និង កឹម-សុខា គាត់ប្រើយុទ្ធ

សាស្ត្រ«អត់ឯង ឆ្ងាញ់អញ» ឯចំណែក បុរសខ្លាំង គាត់ប្រើយុទ្ធសាស្ត្រ «អញខ្លាំង យួនឈ្នះ» តែ

អ្នកឃ្លាន និង អ្នកចាញ់ គឺ ខ្មែរអ្នកជា គាត់គិតតែពីចាញ់រហូត ព្រោះតែជឿគេមិនចេះចប់។

ជឿហើយ ជឿទៀត, ជឿខ្មៅ ថា ស, ជឿល្អ ថា បាប, ជឿតាម ហើយ​ ប្រព្រឹត្តិ ឥតគិតមុខ

ក្រោយ៕   

Scruter le ciel pour prédire la pluie (Texte en Khmer)

Partager cet article

Repost 0
Published by សង្ហា ឧប - dans ពិភាក្សានយោបាយ
commenter cet article

commentaires