Overblog
Suivre ce blog Administration + Créer mon blog
21 janvier 2018 7 21 /01 /janvier /2018 07:06

 

កំណាព្យ : បទពាក្យ៧

 

ទាវស្លាប់ព្រោះទុំ

 

ទុំប្រចាន់លែងគិតពីច្បាប់

មិនបានរាយរាប់ដល់មច្ចុរាជ

ថាខ្លួនមានចុតហ្មាយពីរាជ្យ

មកដោះយកទាវជាភរិយា។

 

ពីក្រោមឥទ្ធិពលនៃមាតា

ប្តេជ្ញាយកទាវមករៀបការ

បំពានច្បាប់ខ្មែរគ្រប់ប្រការ

គ្មានចិត្តមេត្តាដល់អាត្មា។

 

ទុំផឹកស្រវឹងក្បែររោងការ

លែងពិចារណាតាមប្រាជ្ញា

គិតតែពីស្រែកច្រៀងឡូឡា

រកទាវស្នេហាគ្មានគិតស្នៀត។

 

ត្រូវគេអូសយកទៅប្រហារ

លុះក្ស័យជីវាទាំងអាធ្រាត

តម្រូវឲទាវធ្វើអត្ថឃាត

តាមសម្ព័ន្ធភាពអនន្ត។

ឧប សៅ សង្ហា

Partager cet article
Repost0
19 janvier 2018 5 19 /01 /janvier /2018 04:53

 

កំណាព្យ : បទពាក្យ៩

 

សមរភូមិ

 

យើងចេញច្បាំង  ដើរទៅមុខ  ចូលវាយខ្មាំង

ក្នុងនាមឆ្មាំ  រដ្ឋាខ្មែរ  ការពារដី

ចេនឡាឈ្មោះ  ជើងល័ព្ធទ័ព   រដ្ឋសេរី

ស្រុកខ្មែរថ្មី  ប្រជាជាតិ  មានកម្លាំង។

 

ទន្ទ្រានពី  ចោរឈ្លានពាន  គ្មានមេត្តា

យើងសន្យា  ពេលថ្ងៃលិច  វាយតបខ្មាំង

ភ្នំសន្ទុក  សមរភូមិ  យើងប្រឆាំង

ជាកម្លាំង  កងពលតូច  លេខប្រាំបី។

 

អាគ្នេយ៏ភ្នំ  កងសេនា  តូចកម្លាំងស្រួច

ចូលវាយយួន  កម្មុយនិស្ត  មារសាសនា

ខ្មាំងបាញ់ត្រូវ  មិត្តសម្លាញ់  បុត្រខេមរា

ក្តួលឱរា  ហូរជលនេត្រ ក្បែរសពវង ។

 

ឧប សៅ សង្ហា

ជើងល័ព្ធទ័ព, ប្រតិបត្តិការសឹក។

វង, អ្នកថ្លៃ។

Partager cet article
Repost0
14 janvier 2018 7 14 /01 /janvier /2018 07:05

 

កំណាព្យ បទពាក្យ៧

 

ក្រដាស-ស

 

ចិត្តតប់ប្រមល់ចង់និពន្ធ

អំពីជិពជន្មលើក្រដាស

ផ្សាយប្រាប់ដល់អស់ញាតិសន្តាន

ពីចិត្តពោរពាសសព្វរឿងរ៉ាវ។

 

រឿងចិត្តរឿងជាតិគ្មានចន្លោះ

គ្មានខ្ចោះចារជារឿងប្រឡោះ

ក្នុងខ្សែជីវិតផ្ជាប់ចន្លោះ

ខ្លួននិងជាតិបោះជាសតិ។

 

តែភ្នែកផ្តោតលើក្រដាសស

ចិត្តមិនបន្តជាអក្សរ

ព្រោះតែមានខួរជាអ្នកក្រ

តម្រិះលំអជាអ្នកចេះ។

 

មិនដូចអ្នកប្រាជ្ញជាកវី

ចេះឆ្លាតវាងវៃឆ្នៃសំដី

ថ្លែងបានសព្វគ្រប់ករណី

សរសេរដូចស្តីជាសិល្បៈ។

 

ឧប សៅ សង្ហា

ជិពជន្ម, ការរស់នៅរាល់ថ្ងៃ។  ប្រឡោះ, មួយលើកៗ, ចន្លោះពេល។

Partager cet article
Repost0
7 janvier 2018 7 07 /01 /janvier /2018 15:30

 

អត្ថបទនេះ យើងធ្លាប់ចុះផ្សាយម្តងរួចហើយ នៅឆ្នាំ ២០១២។ យើងយកមកចុះផ្សាយជាថ្មីនៅទីវា ថ្ងៃទី៧ មករា ឆ្នាំ ២០១៨ តាមខ្នាត Pdf  និង មានកែ វាក្យសព្ទ និង ប្រយោគ ដើម្បី អោយស្រួលអាន។

សូមចុចខាងក្រោមនេះ ដើម្បី អាន អត្ថបទ:

សង្ខេបអត្ថបទ:

ខ្មែរទួទៅ តែងតែទុក ថ្ងៃទី៧ មករា ជាការរាតត្បាតចេញមុខ ដោយកម្លាំងយោធា ពីសំណាក់យៀកណាម មកលើប្រជាជាតិខ្លួន។ ការររាតត្បាតនេះ ជាអំពើ ឈ្លានពានមួយ ដែលគ្មាន អ្នកណាមួយ អាចប្រកែកបាន។ អំពើនេះ បានត្រូវសហគមន៏អន្តរជាតិ គេធ្វើការផ្តន្ទាទោសទាំងស្រុង ហើយគេនាំគ្នា ធ្វើបច្ចាប័នសេដ្ឋកិច្ច ទៅលើ ប្រទេសយៀកណាម ឥតរួញរា។ គេទុកយៀកណាម ជាអ្នកឈ្លានពានកម្ពុជា ដោយរំលោភ លើច្បាប់អន្តរជាតិ ទោះបី យៀកណាម ទុកអន្តរាគមន៏ របស់ខ្លួន ជាជំនួយដល់ រណសិរ្សខ្មែរ រណបខ្លួន ដើម្បី រំដោះប្រជាជនខ្មែរ ពី របបប្រល័យពូជសាសន៏ ដែលមាន ឈ្មោះថា ‹កម្ពុជាប្រជាធិបតេយ្យ›។

 

Partager cet article
Repost0
4 janvier 2018 4 04 /01 /janvier /2018 15:53

 

កំណាព្យ : បទពាក្យ៧

 

ថើបលើកដំបូង

 

រដូវវស្សាកាយត្រជាក់

លីឈ្នាងជញ្ជាត់តាមភ្លឺស្រែ

ក្រោមភ្លៀងរលឹមស្រីនៅក្បែរ

កែវកុហកម៉ែទៅចាប់ក្តាម។

 

អូនបងសសៀររកដើមត្នោត

ជម្រករកជ្រោកភ្លៀងបេះប្រាណ

ជាឋានសាស័ព្ទប្រាប់គ្រប់យ៉ាង

ត្រើយត្រាណមេត្តាឲបងថើប។

 

ថ្ពាល់សើមទឹកភ្លៀងជាសៅគន្ធ

ស្រវាឱបទមចិត្តរំភើប

ស្រីថ្លៃនៅស្ងៀមមិនកម្រើក

ទង្វើចំពើបគ្រប់គូរស្នេហ៏។

 

ឧប សៅ សង្ហា

ត្រើយត្រាណ ឬ ត្រាណត្រើយ, គាំទ្រ។  សៅគន្ធ, ទឹកក្រអូប, ទឹកអប់។  ទម, ផ្កានៅក្រពុំ។  ទង្វើចំពើប, ទង្វើលើកទី១។

Partager cet article
Repost0
1 janvier 2018 1 01 /01 /janvier /2018 19:44

 

កំណាព្យ : បទពាក្យ៤

រដូវច្រូត

 

អង្គុយស្រងូត     កណ្តាលអាធ្រាត

ចិត្តមានវិវាទ     នៅក្នុងអារម្មណ៏។

 

ក្នុងតូបប្រក់ស្បូវ     ចិត្តថប់បារម្ភ

ឮពាយសម្ពន្ធ     អង្អែលកាយា។

 

យប់ស្ងាត់មានខែ     រស្មីសោមថ្លា

ពពកយាត្រា     តាមខ្យល់ត្រជាក់។

 

ឃើញស្រូវក្នុងស្រែ     ចិត្តជាប់ចំពាក់

ស្រីធ្លាប់រាក់ទាក់     ពេលរដូវច្រូត។

 

ចិត្តប្រុសរង់ចាំ     ស្រីឆោមបីដូច

កណ្តៀវត្រូវច្រូត     ទាំងស្រូវទាំងស្នេហ៏។

 

ក្នុងស្រែឆ្នាំថ្មី     រាប់ខែខំថែ

កាយស្រីនៅក្បែរ     ជាព្រេងសំណាង។

ឧប សៅ សង្ហា

ពាយ, ពាយុ, ខ្យល់។     

Partager cet article
Repost0
31 décembre 2017 7 31 /12 /décembre /2017 08:50

 

កំណាព្យ : បទរមាំងដើរព្រៃ

 

សួស្តី ឆ្នាំថ្មី

 

ឆ្នាំថ្មីមិត្តជិតឆ្ងាយប្រាណជូនពរ

ឆ្នាំថ្មីផ្លូវត្រូវពាំនាំជោគជ័យ

ឆ្នាំថ្មីចិត្តគិតរកជ្រកក្នុងធម៏

ឆ្នាំថ្មីរែងវែងវេទទេសន៏ជាធ្នាប់ ។

 

ឆ្នាំថ្មីចាគភ័កគ្រប់សព្វក្នុងចិត្ត

ឆ្នាំថ្មីចងក្រងទ្រព្យរ័ត្នសុចរិត

ឆ្នាំថ្មីវាតញាតិចែករែកគ្រប់ទុក្ខ

ឆ្នាំថ្មីជាគ្នាគាប់រាប់សុខសាន្ត។

 

ឧប សៅ សង្ហា

ពន្យល់ពាក្យ : រែង, ចង ; ស្រែះ។  វេទ ; ចំណេះ។  ធ្នាប់ ប្រើជាពាក្យកាត់ សណ្តាប់ធ្នាប់។  ចាគៈភ័ក ; សាង នូវ សន្ធាទាន។

Partager cet article
Repost0
30 décembre 2017 6 30 /12 /décembre /2017 06:58

 

សូមជូនពរ សព្វសាធុការ ឆ្នាំសាកលថ្មី។

ចុចខាងក្រោមដើម្បីអានអត្ថបទទាំងមូលក្នុងខ្នាត Pdf

សង្ខេបអត្ថបទ

 

យើងមើលឃើញថាវាអាចជាដំណាច់នៃការរង់ចាំនៃសេចក្តីថ្មី ដែលព្រឹត្តិការណ៏នយោបាយបង្កើតជាលាភផលគឺការធ្វើទណ្ឌ កម្មពីសំណាក់សហរដ្ឋអាមេរិកសហគមអឺរ៉ុបនិងប្រទេសដទៃ ទៀតមកលើរាជរដ្ឋាភិបាលខ្មែរដឹកនាំដោយលោកហ៊ុនសែន ដែលគេទុកជាការគ្រប់គ្រងផ្តាច់ការ។ យើងអាចសួរថាសេចក្តីសង្ឃឹមខ្មែរជាសេចក្តីបែបណា ?

អសកម្មគឺនាំគ្នាដេកចាំអនុភាពនៃទណ្ឌកម្មដែលនឹងអាច រំគាយអំណាចផ្តាច់ការ របស់លោក ហ៊ុន សែន ជាកម្រៃចំពោះ លទ្ធិប្រជាធិបតេយ្យ។តែខ្មែរគួរដឹងថាទណ្ឌកម្មអន្តរជាតិវា អាចមានអនុភាពអវិជ្ជមានដល់ប្រជាជនដែលរស់នៅពឹង លើសរុណៈបរទេសដូច្នេះបើមានការបាត់បង់នៃជំនួយណា វានឹងមានអនុភាពភ្លាមដល់ជីវភាពរស់នៅរបស់ខ្លួន។ ត្រង់ចំណុចនេះឯង ដែលនាំឲឥស្សរជនខ្មែរ និង បរទេសខ្លះ យល់ឃើញថាទណ្ឌកម្មបែបនេះវាពុំមែនជាដំណោះស្រាយ ប្រសើរនោះឡើយសំរាប់ខ្មែរ។ តែយើងគួរសួរថាតើដំណោះស្រាយបែបណាមួយដែលទុកជា ប្រសើរនោះ ?រក្សាស្រុកខ្មែរឲនៅក្នុងអំណាចផ្តាច់ការដើម្បី ខ្មែរគ្រាន់តែរស់រស់នោះរឺ ?

 

Partager cet article
Repost0
28 décembre 2017 4 28 /12 /décembre /2017 07:47

 

កំណាព្យ : បទកាកគតិ

 

ថ្ងៃកំណើត

 

ថ្ងៃដែលកូនកើត

ស្រែយំកក្រើក  ជាធម្មជាតិម្នុស  ត្រូវមានជីវន្ត

  រស់គ្មានប្រទុស  ចិត្តសែតបរិសុទ្ធ  គ្មានទុក្ខព្រាត់ម៉ែ។

 

ភ្នែកកូននៅបិទ

តែច្រមុះហិត ក្លិនហើរនៅក្បែរ  កាយកូនអាក្រាត

ឋិតនៅជិតម៉ែ  កំដៅម្តាយថែ  ទារកនៅស្រួយ។

 

អរគុណអ្នកវង

ចំនួនខែនព   ពពោះគ្មានព្រួយ  ចិញ្ចឹមពីជៈ

ក្នុងផ្ទៃគ្មានប្រួល   ឋានសុខម៉ែជួយ  ផ្តល់គ្រប់ចំណី។

 

បដិការគុណ

អញ្ញលីសែនធ្ងន់ ចំពោះសត្រី  ជនីម្នុសលោក

នៅលើផែនដី  វិសៃជាស្រី ជាយាអរិយ។

 

ឧប សៅ សង្ហា

ពន្យល់ពាក្យ : អ្នកវង, អ្នកថ្លៃ។  នព, ប្រាំបួន។  ពិជៈ, គភ៏, ដើមកំណើត ; fœtus។  ប្រួល ជាពាក្យកាត់ របស់ពាក្យ ប្រែប្រួល។  ជនី, ម្តាយ។  វិសៃ, ធម្មជាតិ។

Partager cet article
Repost0
26 décembre 2017 2 26 /12 /décembre /2017 08:12

 

កំណាព្យ បទភុជង្គលីលា

 

ម៉ែ

 

កូននៅជាកុមារភាព  ហែម៉ែមុខគ្រាម

ជិះយានក្បែរលោង ។

 

ក្នុងក្បួនជូនម៉ែទៅរោង  សវកម្មគ្រោង

ដីល្អោមក្នុងវត្ត។

 

បីវស្សាបែកម៉ែវង   កូនរស់ខ្វះទង

ព្រោះរងកំព្រា។

 

ខ្វះទងថ្នមជាមាតា  ថែទាំរក្សា

កុមារគ្រប់ល្ហក់។

 

នៅរកម៉ែទារយាមយប់   ព្រះក្សីរគម្រប់

សព្វគ្រប់ការឃ្លាន។

 

សព្វថ្ងៃនឹកម៉ែមិនឃ្លាត ជួនភ្នករាប់រៀប

ជំរាបចែកម៉ែ។

 

ឧប សៅ សង្ហា

ពន្យល់ពាក្យ : លោង, ក្តារមឈូស។  សវកម្ម, ការរំលាយសព។  ល្អោម, ក្នុងកន្លែងលំហ, នៅកណ្តាលវាលធំ។  វង,អ្នកថ្លៃ។  យាមយប់, យំយប់។  ព្រះក្សីរ ទឹកដោះ។

Partager cet article
Repost0

Présentation

  • : Le blog de Sangha OP
  • : រូបថតកាលជានិសិត្ស នៅសាកលវិទ្យាល័យ ភ្នំពេញ -មហាវិទ្យាល័យ អក្សរសាស្ត្រ និង មនុស្សសាស្ត្រ (ផ្នែកប្រវត្តិសាស្ត្រ) - ទស្សវត្សរ៏ ៧០
  • Contact

Recherche

Liens