Overblog
Suivre ce blog Administration + Créer mon blog
8 décembre 2019 7 08 /12 /décembre /2019 05:51

របប ក្រុង ភ្នំពេញ រមែង ប្រើ ល្បិច នៃ ការសម្លុត ដោយ ប្រើ អំណាច ផ្តាច់ការ សំរាប់ យក ឈ្នះ។ អ្នក ខ្លះ យល់ ខុស ថា ជា យុទ្ធសាស្ត្រ ដ៏ បិនប្រសប់ របស់ ហ៊ុន សែន ព្រោះ ជា យុទ្ធសាស្ត្រ ឈ្នះ ឈ្នះ, តែ តាម ការពិត វា គ្រាន់ តែ ជា ល្បិច ខូច ដដែលៗ គឺ ដណ្តប់ អ្នក ប្រឆាំង ឱ្យ ថប់ ដង្ហើម នយោបាយ ឬ ដណ្តឹង អ្នក ខ្យល់និយម ឱ្យ ចូល ក្នុង ទ្រុង ពួក ជន ពាល។ ល្បិច នេះ វា តែង តែ នាំ មក នូវ ជ័យជំនះ ព្រោះ ហ៊ុន សែន បន្ត កាន់ អំណាច ផ្តាច់ការ រហូត មក ដល់ សព្វ ថ្ងៃ នេះ។ ល្បិច មាន បី ប្រការ, ដូច យ៉ាង ចាប់ កឹម សុខា ទាំងយប់ ដាក់ គុក, ប្រការ នេះ ជា ការបំភ័យ, តែ អនុញ្ញាត ឱ្យ កូន ស្រី របស់ កឹម សុខា ចាកចេញ ពី ប្រទេស ដើម្បី ធ្វើ សកម្មភាព ចម្បង ប្រឆាំង នឹង សម រង្សី, ប្រការ នេះ ជា ការដណ្តប់ ឱ្យ គណបក្ស សង្គ្រោះជាតិ ថប់ ដង្ហើម នយោបាយ, ទី បញ្ចប់ ដណ្តឹង ពួក អ្នក ខ្យល់និយម ឱ្យ ដើរ ចេញ ពី ជួរ ពួក អ្នក ប្រជាធិបតេយ្យ។

Partager cet article

Repost0
5 décembre 2019 4 05 /12 /décembre /2019 10:38

នៅ អឺរ៉ុប សព្វថ្ងៃ មាន គ្រឹះស្ថាន មួយ ធ្វើ សកម្មភាព ចេញ មុខ ជួយ ដល់ ការតស៊ូ អហិង្សា របស់ ពួក អ្នក ប្រជាធិបតេយ្យ ប្រឆាំង នឹង របប ផ្តាច់ការ។ គ្រឹះស្ថាន នោះ ដើម ឡើយ ឈ្មោះ « Otpor ! » (កម្រាញ !) ជា កូន ក្រុម បង្កើត ដោយ យុវជន ស៊ែប (serbe) នៅ ឆ្នាំ ១៩៩៨។ គោលបំណង គឺ ដើម្បី រំលំ ប្រធានាធិបតី នៃ ប្រទេស យូហ្គោស្លាវី ឈ្មោះ Slobodan Miloševic។ ក្រុម នេះ ចាប់ ផ្តើម ល្បី ឈ្មោះ បន្ទាប់ ពី និស្សិត ៤ នាក់ ជា យុទ្ធកៈ របស់ Otpor ! ត្រូវ ប៉ូលីស នៃ របប Miloševic ចាប់ ខ្លួន រួច បញ្ចូន ទៅ តុលាការ ហើយ កាត់ ទោស ដាក់ ពន្ធនាគារ ចំនួន ១៥ ថ្ងៃ។ ក្រុម តូច នោះ មាន របៀប រៀបចំ និង ប្រតិបត្ដិការ ជា បន្ទាត់ផ្តេក គ្មាន អ្នក ដឹកនាំ ជា ផ្លូវការ បង្ហាញ នូវ មធ្យោបាយ គ្រប់គ្រាន់ ដើម្បី ធ្វើ ឱ្យ របបនោះ ចុះ ខ្សោយ។ Otpor ! ប្រមូល ផ្តុំ យុវជន គ្រប់ និន្នាការ នយោបាយ លើក លែង តែ ពួក អ្នក កុម្មុយនិស្ត។ សកម្មភាព មិន ជា នយោបាយ ជ្រុល គ្រាន

Partager cet article

Repost0
2 décembre 2019 1 02 /12 /décembre /2019 07:08

តាម ធម្មតា គេ តែងតែ ដាក់ វង់បាញ់ នៅ ខាង មុខ សំរាប់ បាញ់។ នៅ ក្នុង បរិបទ នយោបាយ នៅ ស្រុក ខ្មែរ សព្វ ថ្ងៃ វង់បាញ់ របស់ អ្នក ប្រជាធិបតេយ្យ គឺ អំណាច ផ្តាច់ការ, ដូច្នេះ ត្រូវ បាញ់ ចម្រុះ ទៅ កាន់ វង់បាញ់ នោះ ព្រោះ វា ជា តក្កភាព (logique)។ គោលដៅ នៃ ការបាញ់ គឺ ដើម្បី ផ្តួល អំណាច ផ្តាច់ការ មិន មែន ផ្តួល របប នយោបាយ ដែល មាន ចែង នៅ ក្នុង រដ្ឋធម្មនុញ្ញ។ ជន ណា ដែល ការពារ អំណាច ផ្តាច់ការ គឺ ស្ថិត នៅ លើ វង់បាញ់ នោះ។ អាវុធ ប្រើ សំរាប់ បាញ់ គឺ ប្រជាធិបតី ដូច្នេះ វា ជា អវុធ អហិង្សា ឬ សន្តិវិធី។

Partager cet article

Repost0
1 décembre 2019 7 01 /12 /décembre /2019 14:43

អាច សួរ បាន ថា តើ ជា អហោសិកម្ម រវាង សម រង្សី ជា មួយ នឹង កឹម សុខា ? លទ្ធភាព នៃ ដំណើរ ការ ឡើង វិញ នៃ គណបក្ស សិទ្ធិ មនុស្ស ដែល មាន កិម សុខា ជា ស្ថាបនិក នាំ បង្កើត មន្ទិល លើក ចំណុច នេះ។ បើ ជា ការពិត គឺ វា អាស្រ័យ ទៅ លើ កត្តា មួយ ចំនួន :

Partager cet article

Repost0
24 novembre 2019 7 24 /11 /novembre /2019 15:37

ដើម្បី ឆ្លើយ តប នឹង តម្រូវការ របស់ សហគម អឺរ៉ុប របប ក្រុង ភ្នំពេញ ឥត រុញរា ប្រើ គ្រប់ ល្បិច ជា គោលវិធី សល់វ៉ល់ សំរាប់ តែ បំភាន់ មតិ ជាតិ និង អន្តរជាតិ តែ នៅ ក្នុង ស្មារតី ទុទិដ្ឋិនិយម បើ យោង តាម សំដី តន្ថើន របស់ ហ៊ុន សែន ថា ខ្លួន មិន យក អធិបតេយ្យភាព ជាតិ ខ្មែរ ទៅ ដោះ ដូរ នឹង ការ អនុគ្រោះ ពន្ធ ហៅ ថា EBA។ ការ លើក យក អធិបតេយ្យភាព មក ធ្វើ ជា អាវុធ នយោបាយ ការពារ ខ្លួន បែប នេះ ដែល នាំ ឱ្យ ប្រធានាធិបតី អាមេរិកាំង ត្រាំ ឆ្លើយ តប តាម សំបុត្រ ផ្ញើ ផ្ទាល់ ទៅ ហ៊ុន សែន ថា សហរដ្ឋ អាមេរិក មិន មាន បំណង រំលោភ អធិបតេយ្យភាព ខ្មែរ និង ចង់ ប្តូរ របប នយោបាយ នៅ ស្រុក ខ្មែរ នោះ ឡើយ។

Partager cet article

Repost0
21 novembre 2019 4 21 /11 /novembre /2019 04:55

សួរថា តើហេតុអ្វីបានជាគ្មានប្រជាកុប្បកម្ម ប្រឆាំងនឹងរបបក្រុងភ្នំពេញ តាមការអំពាវនាវរបស់ សម រង្ស៊ី ? អវត្តមាននេះ នាំអោយពួកជនផ្តាច់ការ និងពួកអ្នកគាំទ្ររបស់គេ យល់ឃើញថា វិធានការគាបសង្កត់ ទុកជាមុនរបស់ ហ៊ុន សែន ទៅលើមន្ត្រី, សកម្មជន និងពួកអ្នកគាំទ្ររបស់គណបក្សសង្គ្រោះជាតិ ដែលគេទុកជាពួកឧទា្ទមរៀបចំធ្វើរដ្ឋប្រហារ ជាវិធានការត្រឹមត្រូវប្រកបដោយប្រសិទ្ធិភាព។ តែយើងក៏សួរដែរថា ការណ៏នេះ វាជាបរាជ័យរបស់ សម រង្ស៊ី ? ត្រូវដឹងថា សម រង្ស៊ី ជា អត្ថគាហ ទទួលផលពីបរិបទនយោបាយអន្តរជាតិ ដែលជា ស្ថានភាពស្របនឹងសកម្មភាពសកម្ម ចេញមុខរបស់គាត់។ សកម្មភាពនោះ គេចង់ឬមិនចង់ វាប្រហែលជាមានប្រភាព តិចឬច្រើនយ៉ាងណាក្តី ទៅលើវិស័យមតិអន្តរជាតិ ទើបត្រូវបាន សារព័ត៌មាន និងទូរទស្សន៏បរទេសសំខាន់ៗ គេយកមកចុះផ្សាយនៅលើពិភពលោក។

Partager cet article

Repost0
14 novembre 2019 4 14 /11 /novembre /2019 21:42

នៅក្នុងរជ្ជកាល ព្រះបាទជ័យវ័រ្មនទី៧ មានសិលាចារឹតចារថា « ទុក្ខរបស់ប្រជានុរាស្ត្រ ជាទុក្ខរបស់ព្រះមហាក្សត្រ »។ បើអ្នកបានឮពាក្យស្លោកនេះ ដោយមិនបានយកវាមកពិចារណា វាច្បាស់ជាយល់ឃើញថា ព្រះមហាក្សត្រ ព្រះអង្គមានព្រះរាជហឬទ័យករុណាពិត ដល់ប្រជានុរាស្ត្រ។ ជាការពិត នៅក្នុងបរិបទ នៃអំណាចផ្តាច់ការ អ្វីមួយ ដែលជាសេចក្តីមេត្តារបស់អ្នកដឹកនាំ វាទុកជាគុណធម៏របស់នរៈនោះ ព្រោះប្រជានុរាស្ត្រ ជា រាស្ត្រ (sujet) បើខ្លួនមានទុក្ខ តែបើទុក្ខនោះ វាមិនមែនជាការយល់ឃើញផងដែររបស់ស្តេច ថាជាទុក្ខផ្ទាល់របស់ព្រះអង្គ វាអាចមិនទុកជាទុក្ខ។ ដូចយ៉ាង ព្រះមហាក្សត្រ កេណ្ឌរាស្ត្រធ្វើទាហាន ដើម្បីធ្វើសង្គ្រាម បំរើមហិច្ជិតាផ្ទាល់របស់ព្រះអង្គ នាំអោយប្រជានុរាស្ត្រ មានទុក្ខ តែទុក្ខនោះ វាផ្ទុយពីផលប្រយោជន៏របស់ព្រះអង្គ។

Partager cet article

Repost0
12 novembre 2019 2 12 /11 /novembre /2019 04:33

ភ្នំពេញ ឆ្លើយតបនឹងតម្រូវការអន្តរជាតិ និងសកម្មភាពរបស់លោក រង្ស៊ី ដោយប្រើអត្ថសញ្ញា កឹមសុខា។ វិធានការនេះ តម្រង់ទៅគោលដៅពីរយ៉ាង : ទី១គឺ ចង់បង្ហាញអំពីចិត្តជ្រះថ្លារបស់ខ្លួនចំពោះអនុសាសន៏អន្តរជាតិថា ខ្លួនកំពុងជម្រាលទៅរកដំណោះស្រាយចុងក្រោយដែលពួកអន្តរជាតិចង់បាន ; ទី២គឺ ចង់បំបែកថ្នាក់ដឹកនាំ, ពួកសកម្មជន និងអ្នកគាំទ្រ របស់គណបក្សសង្គ្រោះជាតិ។ វិធានការបែបនេះ ពួកយួនកុម្មុយនិស្ត ដែលជាចៅហ្វាយដាច់មុខ របស់របបនៅភ្នំពេញ គេនិយមយកមកអនុវត្ត នៅពេលដែលខ្លួនជួបប្រទះនឹងបញ្ហាចម្បង សំរាប់ពន្យាលពេល ដើម្បីលោតកន្លងបញ្ហា។ តាមមេរៀនរបស់យួន របបនៅភ្នំពេញដឹងច្បាស់ថា ម៉ាស៊ិន នៃសេចក្តីសម្រេចរបស់អន្តរជាតិ វាមានទម្ងន់ធ្ងន់ ហើយដើរយឺតណាស់, ដូច្នេះ បើសិនជាខ្លួនអាចកៀងគរ សហគមអឺរ៉ុបក្តី អង្គការសហប្រជាជាតិក្តី សហរដ្ឋអាមេរិកក្តី ផ្តល់ឱ្យខ្លួនមានលទ្ធភាព ប្រើពេលវេលាបន្ថែម សំរាប់ឆ្លើយតបនឹងតម្រូវការនោះ ច្បាស់ជាខ្លួនមានជ័យជំនេះ ព្រោះសេក្តីសម្រេចរបស

Partager cet article

Repost0
7 novembre 2019 4 07 /11 /novembre /2019 04:05

ប្រទេសថៃ មិនអនុញ្ញាតឱ្យលោក សម រង្ស៊ី ប្រើទឹកដីថៃ សំរាប់ធ្វើសកម្មភាពនយោបាយប្រឆាំងនឹងរបបនៅភ្នំពេញ ដោយលើកយកគោលការណ៏ មិនជ្រៀតជ្រែក ចូលកិច្ចការផ្ទៃក្នុងរបស់ប្រទេសមួយ ដែលជាសមាជិក នៃ សមាគម នៃប្រទេសអាស៊ីភាគអគ្នេយ៏។ សេចក្តីសម្រេចចិត្តបែបនេះ វាជាកិច្ចធម្មតា ព្រោះវាជាច្បាប់របស់សមាគមនេះ ហើយ សម រង្ស៊ី គួរគិតទុកជាមុន នៅក្នុងផែនការ នៃមាតុភូមិនិវត្តន៏របស់គាត់។ ដូច្នេះ នរូអ្នកផង ដែលគាំទ្រ សម រង្ស៊ី កុំខឹងអ្វីនឹងរដ្ឋាភិបាលថៃ ហើយត្រូវគិតវិញថាបើ ថៃ គេធ្វើផ្ទុយពីច្បាប់ វាជា អំពើមួយគួរឱ្យបារម្ភទៅវិញទេ ដូចប្រទេសយៀកណាម តែងតែ ជ្រៀតជ្រែក ចូលកិច្ចការផ្ទៃក្នុងកម្ពុជា រហូតមកដល់សព្វថ្ងៃ។

Partager cet article

Repost0
5 novembre 2019 2 05 /11 /novembre /2019 06:51

របបនៅភ្នំពេញ ប្រឈរមុខនឹងស្ថានការណ៏ បីយ៉ាង : ឬក៏ ហាមមិនឱ្យ សម រង្ស៊ី ជាពលរដ្ឋខ្មែរម្នាក់ វឹលត្រឡប់ចូលស្រុកខ្មែរ ឬក៏ ចាប់ ទណ្ឌដិតនេះ ដាក់ពន្ធនាគារ ឬក៏ សម្លាប់ អ្នកប្រឆាំងនយោបាយនេះតែម្តង។ ស្ថានការណ៏នីមួយៗ សុទ្ធតែបង្កើត នូវបញ្ហាបនយោបាយបន្ថែមដល់ខ្លួន ដែលរបបនេះកំពុងជួបប្រទះរួចហើយគឺ ភាពមិនស្របច្បាប់របស់ខ្លួន នៅចំពោះមុខ ប្រជាពលរដ្ឋខ្មែរ និង មតិសហគមន៏អន្តរជាតិ ព្រោះការបោះឆ្នោតនៅឆ្នាំ ២០១៣ គេទុកជាការបោះឆ្នោតក្លែងក្លាយ, ចាប់ កឹម សុខា ដាក់ពន្ធនាគារ និង រំលាយចោលគណបក្សប្រឆាំងចម្បង មិនឱ្យចូលរួមបោះឆ្នោត។ ហើយនៅក្នុងបរិបទ ដែលនឹងអាចទទួលទណ្ឌកម្មពី សហភាពអឺរ៉ុប, សហរដ្ឋអាមេរិក និង អង្គការសហប្រជាជាតិ, របបនៅភ្នំពេញ ជ្រើសយក ការហាមឃាត់ រង្ស៊ី មិនឱ្យចូលស្រុក ដោយយល់ឃើញថា វាមានភាពអាក្រក់តិចជាង ព្រោះជារបៀបមិនប្រើកម្លាំងហិង្សាទៅលើរូបកាយនរៈនេះ។

Partager cet article

Repost0

Présentation

  • : Le blog de Sangha OP
  • : រូបថតកាលជានិសិត្ស នៅសាកលវិទ្យាល័យ ភ្នំពេញ -មហាវិទ្យាល័យ អក្សរសាស្ត្រ និង មនុស្សសាស្ត្រ (ផ្នែកប្រវត្តិសាស្ត្រ) - ទស្សវត្សរ៏ ៧០
  • Contact

Recherche

Liens