Le blog de Sangha OP

បើមានគំនិតល្អសំរាប់ប្រយោជន៏ជាតិ កុំនាំគ្នាផ្អាប់វា ដោយយល់ឃើញថា វាជាយុទ្ធសាស្ត្រសម្ងាត់ ព្រោះថា អ្វីដែលជាការសម្ងាត់ វារមែងពង្រាក់ខ្លឹមសារ នៃគំនិត។ គំនិតល្អ ត្រូវការព្រលាន (espace) នៃស្មារតីសាធារណៈ ដ៏ធំទូលាយ សំរាប់ឱ្យវារីកស្រស់ស្រាយដោយសេរី។ គំនិតល្អ ជាប្រយោជន៏ជាតិ វាគ្មានលក្ខណៈ ជាគំនិតយុទ្ធសាស្ត្រនោះឡើយ ព្រោះសារជាតិ ជាធម្មជាតិរបស់វា ជាព្រលឹងជាតិ ដែលវាត្រាំនៅក្នុងស្មារតីរបស់ប្រជាជាតិរួចមកហើយ គ្រាន់តែវាចាំឱកាសល្អនឹងពង្រីក ជាភាពសប្បាយរីករាយនៅក្នុងចិត្តរបស់ប្រជាពលរដ្ឋ។

លោក សម រង្សី អំពាវនាវ ចំពោះកងទ័ព អោយងើបប្រឆាំងនឹង ហ៊ុន សែន ដោយសន្យាថា នឹងមានថវិកា សំរាប់ប្រដុងប្រជា នៃការប៉ះបោរនោះ។ លក្ខណៈ នៃការអំពាវនាវនេះ វាមាន តក្កសាស្ត្រ នៃសង្គ្រាម ព្រោះវាជាការងើបប្រឆាំងដោយប្រដាប់អាវុធ បើសិន ហ៊ុន សែន ប្រើកងទ័ព ដែលស្ម័គ្រគ្មានលក្ខខណ្ឌនឹងគាត់ មកបង្រ្កាប។ សួរថា តើកងទ័ព ដែលស្ម័គ្រនឹង សម រង្សី ឬ ប្រជាជនប្រឆាំងនឹង ហ៊ុន សែន មានកាំភ្លើង និង គ្រាប់គ្រប់គ្រាន់ដើម្បីតស៊ូបានដែរឬទេ ?

របបនយោបាយទាំងឡាយ សព្វថ្ងៃ រមែងប្រទល់នឹងបរិស្ថានថ្មី។ ទោះបីជា កន្លែងពិសេសមួយ ដែលប្រជាធិបតី កាន់យកសិទ្ធិហួសប្រមាណថា ខ្លួនឯងជា អំណាចប្រព្រឹត្តទៅខុសផ្លែកពីអំណាចដទៃ តែការសំដៅទៅរកកន្លែងតែមួយ រវាងលទ្ធិនេះ និង របបផ្តាច់ការ គឺបញ្ហារួម នៅចំពោះមុខការវាត នៃ តក្ក សេដ្ឋកិច្ច និង វឌ្ឍនភាព នៃទំនិញ និង ភាពស្មុកស្មាញ នៃសេវាកម្មហិរញ្ញវត្ថុនៅលើលោកនេះ។ គ្រប់អំណាច ត្រូវតែប្រឈមមុខនឹង អប្បជនាធិបតេយ្យបនីយកម្ម ដែលប្រមូលផ្តុំ អំណាចរូបិយវត្ថុ និង និមិត្តរូប នៅក្នុងដៃរបស់ជនមួយក្រុមតូច។ ភាពប្រែប្រួល កើតឡើង នៅក្នុងវណ្ណៈថ្មីនេះ ដែលចែករំលែកប្រយោជន៏គ្នានៅក្នុងមជ្ឈដ្ឋានរួមរមែងធ្វើឲប្រែប្រួលអំណាច។ជាធម្មតា នៅចំពោះបញ្ហានេះ របបផ្តាច់ការ មានប្រតិកម្ម តាមការពង្រឹងអំណាច និង ការរឹតត្បិតសេរីភាព ដោយប្រើច្បាប់ សំរាប់ការពារអំណាចខ្លួន។ ចំណែក ប្រទេសប្រជាធិបតេយ្យសេរី ធ្វើប្រតិភូកម្មអំណាច នៃការឃ្លាំមើលទៅឲក្រុមហ៊ុនធំពីរបី ដើម្បីការពារផលប្រ

តើលោក សម រង្សី គាត់មាន មន្តានុភាព នៅចំពោះមុខ អំណាចអាវុធរបស់ ហ៊ុន សែន ដែរឬទេ ? យោងតាមការរៀបចំទុកជាមុន មានទំហំ ជាផែនការ នៃយុទ្ធសាស្ត្រសង្គ្រាម ដើម្បីចាប់បុគ្គល រង្សី វាអាចសន្និដ្ឋានបានថាប្រហែលជា គេទុក នរៈនេះ ជាមនុស្សអស្ចារ្យ មានមន្តានុភាព អាចប្រយុទ្ធយកឈ្នះ កងទ័ពបក្សនៅភ្នំពេញបាន។ ដោយតក្ក របបផ្តាច់ការ ត្រូវតែមានវិធានការបង្ការដូច្នេះឯង ព្រោះគេដឹកច្បាស់ថា គេគ្មានការគាំទ្រ ពីសំណាក់ប្រជាពលរដ្ឋនោះឡើយ ហើយកត្តា នៃប្រជាជននេះឯង វាអាចជាមន្តានុភាពរបស់បុគ្គល រង្សី។

ការសម្រេចចិត្ត ធ្វើមាតុភូមិនិវត្តន៏ នៅថ្ងៃទី៩ វិច្ជិកា ឆ្នាំ ២០១៩ របស់លោក សម រង្សី ជាកិរិយាវិរភាពមួយគួរអោយកោតសរសើរ។ ថ្ងៃនោះ ជាថ្ងៃព្យុហយាត្រា ព្រោះគាត់ថ្លែងថា មានខ្មែរ២លាននាក់ រស់នៅប្រទេសថៃ ម៉ាឡេស៊ី និង កូរ៉េខាងត្បូង នឹងចូលរួមជាមួយគាត់។ ការពោលអះអាងនេះ វាចោទជាបញ្ហា នៃការរៀបចំទ្រង់ទ្រាយធំ ក្នុងផ្នែកបច្ចេកទេស និង សម្ភារៈនៃការដឹកនាំ ដើម្បីដឹកជញ្ចូនមនុស្សចំនួន២លាននាក់ ចូលស្រុកខ្មែរក្នុងរយៈពេលតែមួយគត់។ សួរថា តើលោក សម រង្សី គាត់និយាយដោយហ្មត់ចត់ក្នុងឋានៈគាត់ជាប្រមុខ មានការទទួលខុសត្រូវ ? ឬ គាត់និយាយ ជាអារម្មណ៏ក្បាច់គុននៅក្នុងសុវោហារ របស់គាត់តែប៉ុណ្ណោះ ?