Le blog de Sangha OP

ចុចខាងក្រោមដើម្បីអាន អត្ថបទទាំងមូលក្នុងខ្នាត Pdf

សង្ខេបអត្ថបទ៖

នៅឆ្នាំ ២០០៤ លោក សម រង្សី និង កឹម សុខា នាំគ្នាដើរចូលរដ្ឋសភាចោរ បំពានលើឆន្ទៈម្ចាស់ឆ្នោត ដោយគ្មានបារម្ភអ្វីអំពី ធម្មានុរូប នៃ ទង្វើ របស់ខ្លួននោះឡើយ។ បច្ចុប្បន្នកាលនេះ ទ្រង់ រណ្ណឫទ្ធិ ដើរចូលរដ្ឋសភាចោរ បំពានលើឆន្ទៈម្ចាស់ឆ្នោត ដោយគ្មានកង្វល់ អំពី សីលធម៏ អ្វីនោះដែរ។ តែ ទង្វើទាំងពីរនោះ វាមានធាតុតែមួយ គឺ បំរើ ផលប្រយោជន៏ លោក ហ៊ុន សែន ដូចគ្នា, ពួកទី១ ធ្វើនីត្យានុកូលកម្ម រដ្ឋសភាចោរ ឲស្របច្បាប់ សំរាប់តែធ្វើច្បាប់បំបាត់សេរីភាព, រីឯ រណ្ណឫទ្ធិ វិញ ចូលរួម ក្នុងឋានៈជាអាមាត្យតែម្តង ទទួលយកកៅអីពុកស្អុយ មកអង្គុយ ដូចត្លុកល្ខោន។ ត្រូវដឹងថា កៅអី ដែលប្តូរ អ្នកអង្គុយ គឺជា កៅអី ថោកទាប ប្លន់ពីរាស្ត្រ សំរាប់ ចែកលុយគ្នាចាយតែប៉ុណ្ណោះ ដូច្នេះ ដូរអ្នកអង្គុយ វាគ្មានអ្វី ជា អកុសល ដល់ជាតិនោះឡើយ ព្រោះកៅអីនោះ តាំងពីដើមទីមក វាជា អកុសលរួចមកហើយ : ពួក អ្នកអង្គុយ ចាស់ថ្មី គឺគ្មាន កិត្តិយស ដូចគ្នា មិនដូច លោក បណ្ឌិត ឡុង បូតា គាត់ថ្លែងថា អ្នកបាន អង្គុយ ត្រូវដឹងគុណ លោក សម រង្សី និង កឹម សុខា ព្រោះ លោកទាំងពីរ ជាអ្នក រកកៅអីឲគាត់អង្គុយ។ គាត់ និយាយបែបនេះ ដោយមិនបានគិតថា ម្ចាស់កៅអី គឺ ម្ចាស់ឆ្នោត ដែល ពួក អស់លោក នាំគ្នាយកមកអង្គុយ ដោយក្បត់ឆន្ទៈរាស្ត្រ ហើយគ្មានស្មារតី ជា បញ្ញាជននោះទេ។ បណ្ឌិត ឡុង បុតា គាត់ ដឹងគុណលោក សម រង្សី រីឯ បណ្ឌិត រណ្ណឫទ្ធិ គាត់ ដឹងគុណលោក ហ៊ុន សែន សួរថា តើមានអ្នកណាទៅហ្ន ដែលជាអ្នកដឹងគុណ ប្រជាពលរដ្ឋ ដែលជា ម្ចាស់ឆ្នោត ?

សង្ខេបអត្ថបទ : ចុចសលាប័ត្រ Pdf ខាងក្រោម ដើម្បីអាន អត្ថបទទាំងមូល។

លោក សម រង្សី ដែល ទុកខ្លួនលោកជា អ្នកអាណិតអាសូរ គណបក្សសង្គ្រោះជាតិ សុខចិត្តលាងារពី ប្រធាន និងសមាជិកបក្ស ដើម្បី សង្គ្រោះគណបក្ស កុំឲ លោក ហ៊ុន សែន រំលាយ។ ទង្វើនោះ វាជាវិរកម្ម ថ្លៃថ្នូរ បើវាជាមូលហេតុពិត តែតាមការពិត គាត់ត្រូវតែលាលែង ពុំនោះសោត ក៏ពួកអ្នកដឹកនាំបក្ស នៅពេលនោះ ទំលាក់គាត់ដែរ ដើម្បី តម្រូវនឹង សេចក្តីចង់បានរបស់លោក ហ៊ុន សែន។ ការលាលែង ដោយអាស្រ័យហេតុផ្ទាល់ខ្លួន របស់លោក សម រង្សី ដែលគាត់យកវាមកបកស្រាយថា ជា វិរកម្ម ដូចខាងលើនេះ បញ្ចាក់ឲឃើញថា គាត់ជា មនុស្សរេតាមខ្យល់ ឆ្លៀតឱកាស ក្នុង បរិបទនយោបាយសព្វថ្ងៃ កែ នូវ បរាជ័យផ្ទាល់ខ្លួន របស់គាត់ អោយទៅជា ពលិកម្ម ចំពោះ គណបក្ស ទៅវិញ។ តែ ទង្វើ បន្ទាប់ៗមក របស់គាត់ វាបរិហារ នូវ គំនិតខ្មៅរបស់គាត់ ដូចយ៉ាង នៅពេលចុងក្រោយ ប្រកាសថា ខ្លួនវឹលត្រឡប់មកចូលជា សមាជិកបក្ស ហាក់បីដូចជា ការចេញចូល ក្នុង គណបក្ស ដូចគេចេញចូលក្នុង បនស្រីពេស្យា។ សួរថា ការវឹកត្រឡប់វិញនៅពេលនោះ វាជា ការសង្គ្រោះ ជាថ្មីដល់ គណបក្ស មុនមួយថ្ងៃ ដែល តុលាការ ហ៊ុនសែន រំលាយបក្ស ? ចេញក៏ថាជាការសង្គ្រោះ ចូលក៏ថាជាការសង្គ្រោះ តើអ្វីមួយជាការពិត ? នេះហើយ ជាបញ្ហាចិត្តនិយម របស់លោក សម រង្សី គឺ ភាពប្រែប្រួល ឬ ភាពទេទើរ របស់គាត់។