ប្រតិកម្មរហ័ស
ការពិតដែលយើងនឹងស្មានមិនខុស
ពីថ្ងៃទី២៤តុលាកន្លងមកនេះ,លោកសមរង្ស៊ី,ក្នុងនាមជាប្រធានគណបក្សសង្គ្រោះជាតិ,បានសរសេរលិខិតមួយទៀត
ផ្ញើទៅហ៊ុនសែន,សរសើរហ៊ុនសែន,និងរាជរដ្ឋាភិបាលអំពីការចាត់ទុកថ្ងៃទី២៣តុលាជាថ្ងៃបុណ្យជាតិសំរាប់ប្រជា
ពលរដ្ឋខ្មែរ(២៣តុលាជាថ្ងៃខួបការចុះហត្ថលេខានៅទីក្រុងបារីសនៃការយល់ព្រមយកផែនការសន្តិភាពសំរាប់ប្រទេស
កម្ពុជា,របស់អង្គការសហប្រជាជាតិមកអនុវត្ត)។
ទង្វើនេះ,លោកសមរង្ស៊ីធ្វើឡើងដើម្បីអ្វី(?)ស្វែងរកការផ្សះផ្សាជាតិ(?)សូមទោសហ៊ុនសែនមិនចំមុខដើម្បីបានវិលត្រ
ឡប់ចូលមាតុភូមិវិញ(?)ជាយុទ្ធសាស្ត្រនយោបាយពិសេសរបស់គណបក្សសង្គ្រោះជាតិ(?)ជានយោបាយល្ងីល្ងើរបស់បុគ្គល
សមរង្ស៊ី(?)។
យើងគ្មានការឆ្ងល់អ្វីបន្តិចនោះទេនៅលើគ្រប់សកម្មភាពដែលសមរង្ស៊ីកំពុងធ្វើបច្ចុប្បន្ននេះ,គឺគាត់កំពុងធ្វើ
នយោបាយ”សម្លកកូរ”,គឺគាត់កកូរគំនិតគាត់ដើម្បីរកផ្លូវដើរ,ប៉ុន្តែសម្លកកូរដែលគាត់កំពុងស្លនោះ,វាខ្វះគ្រឿងផ្សំ
សំខាន់បំផុតមួយដែលធ្វើឲសម្លកកូរគាត់មានរសជាតិ,គឺអំបិល(។)អំបិលនោះជារូបភាពនៃសេចកត្តីថ្លៃថ្នូររបស់សម
រង្ស៊ី(។)ដូចយើងដឹងស្រាប់រួចមកហើយថាសមរង្ស៊ីមានធាតុជាមនុស្សបាវបំរើស្តេចសីហនុ,ទោះបីខ្មោចស្តេចសីហនុ
បោះបង់ចោលគាត់យ៉ាងណាក៏ដោយ,ក៏គាត់នៅតែទុកខ្មោចសីហនុជាគារវរូបសំរាប់គាត់ធ្វើការបន់ស្រន់ជារាងរាល់
ថ្ងៃសំរាប់ស្វែងរកលាភរបស់គាត់(។)ធាតុជា”ខ្ញុំគេដាច់ថ្លៃ”នេះវាជាប់ស្អិតក្នុងសតិរបស់សមរង្ស៊ីជានិច្ច,នាំឲគាត់មើល
សេចក្តីថ្លៃថ្នូររបស់គាត់មិនឃើញ,ភាពខ្វាក់នេះនាំឲគាត់ខំបន្ទាបខ្លួនចំពោះមុខហ៊ុនសែន,ព្រោះគាត់យល់ថាជាអំពើ
ធម្មតារបស់គាត់,ពីព្រោះអំពើនេះជាធាតុរបស់គាត់តែម្តង។
បើយើងលើកយកទ្រឹស្តីចិត្តវិជ្ជា,មកឆ្លុះមើលចិត្តគំនិតលោកសមរង្ស៊ី,យើងឃើញថាគាត់ជាមនុស្សមួយមាន”ការខក
ចិត្ត”ច្រើនណាស់ក្នុងជីវិតរបស់គាត់(។)ការខកចិត្តនេះកើតមកពីការរស់នៅរបស់គាត់ក្នុងបដិវាទកម្ម
(Contradiction)ជាច្រើន,ដូចមានតទៅ៖
១.អនុស្សាវរីយ៍នៃឧត្តមជីវិតកាលពីកុមារភាពរបស់គាត់,និងគ្រួសាររបស់គាត់នៅស្រុកខ្មែរ,ដែលមានភាពផ្ទុយ
ស្រឡះពីជីវិតនិរទេសដោយបង្ខំ,ដ៏ពិបាកមួយ,នៅប្រទេសបារាំងចាប់តាំងពីកំលុងឆ្នាំ១៩៦៥មក។
២.អនុស្សាវរីយ៍នៃហិង្សារបស់បីតាគាត់(សមសារី)ក្នុងគ្រួសារ,ដែលមានភាពផ្ទុយស្រឡះពីរូបភាពដោយសិប្បនិមិត្ត
(artificiel)ជាឥស្សរជននយោបាយជាន់ខ្ពស់របស់បីតាគាត់។
៣.គាត់ជាអ្នកសីហនុនិយម,ដែលផ្ទុយស្រឡះពីគំនិតប្រឆាំងដាច់ខាតនឹងសីហនុរបស់បីតារបស់គាត់,រហូតដល់ខ្មោច
សម្តេចសីហនុដាក់ទោសបីតាគាត់ជាជនក្បត់ជាតិ។
៤.តាំងខ្លួនជាអ្នកសេរី,ដែលផ្ទុយស្រឡះពីការរកការគាំទ្រពីចិនកុម្មុយនិស្តដែលជាសត្រូវនឹងលទ្ធិប្រជាធិបតេយ្យសេរី។
៥.ការស្វែងរកការផ្សះផ្សាជាមួយហ៊ុនសែន,ដែលផ្ទុយស្រឡះពីគោលដៅនយោបាយរបស់គណបក្សសង្គ្រោះជាតិ,គឺរំលំ
ហ៊ុនសែនពីអំណាចនយោបាយផ្តាច់ការ,និងអាយ៉ងយួន។
(សូមអានសៀវភៅលោកសមរង្ស៊ី,មានចំណងជើងជាភាសារបារាំងថា(Des racines dans la pierre–Mon combat)។
បដិវាទកម្មទាំងនេះមានជានិច្ចក្នុងគំនិតលោកសមរង្ស៊ី,ហើយនាំឲគាត់៖
១.ធ្វើអ្វីៗដែលតែងតែផ្ទុយស្រឡះពីគំនិតដែលគាត់បានគិតធ្វើ(។)២.បាត់សេចក្តីទុកចិត្តលើសមត្ថភាពខ្លួនឯង,ហើយ
គិតតែស្វែងរក”ចៅហ្វាយ”(។)ត្រូវការ”ការបញ្ញោរ”ជានិច្ចក្នុងការរស់នៅរបស់គាត់។
រួមសេចក្តីមក,លោកសមរង្ស៊ីមានលក្ខណៈត្រឹមតែជា”ឥស្សរជននយោបាយ”,តែគាត់មិនមែនជា”កម្លាំងនយោបាយ”
ឬជា”មេដឹកនាំនយោបាយ”នោះឡើយ,ហើយគាត់រស់ក្នុងភាពខកចិត្ត(frustration)ជានិច្ច,ដែលកើតមកពីបដិវាទ
កម្មដែលមានក្នុងសតិរបស់គាត់។
ឩប-សង្ហា